ھڪ جاکوڙي ڪردار واري حيثيت ۾ ڏٺو ۔۔ سائين مومن مختلف موضوعن تي 25 کان مٿي ڪتاب لکيا ۽ ڇپرايا جن ۾ سورائتي سنڌ، سنڌ جا اولياءَ صوفي ساڃاھ صابر جو ڪلام، اسلامي سوغات، ساھتي جا سرواڻ، دادو ضلعي جا اولياء، ساھتي جا استاد ۽ ٻيا ڪتاب شامل آھن ۔۔۔ جيڪي سائين “مومن پبليڪيشن” پاران ڇپائي پڌرا ڪيا ۔۔۔ سائين جمال الدين مومن پوري زندگي سنڌي ٻولي، پنھنجي ڌرتي، ۽ علم ادب جي خدمت ڪندي گذاري ھو ڀٽائي جي اھا سٽ بنيل ھو  تہ ۔۔ “کرڪڻا لاھي سک م ستا ڪڏھين”۔

گھڻ طرفي شخصيت سائين مومن، راڄائتو ماڻھو ھو مختلف برادين جا ننڍا وڏا فيصلا ميرٽ جي بنياد تي ڪندو ھو. سندس اوطاق تي ھر وقت يارن دوستن مٽن مائٽن جون محفلون متل ھونديون ھيون. سائين کي ڪنھن بہ ھڪ روپ ۾ ماپي نہ ٿو سگھجي ۔۔۔ جيڪو مئخانن ۾ ويھي صوفياڻيون محفلون ٻڌي ۽ مسجدن ۾ خطبا ڏيئي، واقعي بہ مومن ھو، اھڙا ڪردار ڪڏھن بہ ناھن مرندا .. “ھونئن بہ موت جسم کي ايندو آھي، ڪردار کي نه”۔ سائين مومن بہ ھڪ اھڙو آدرشي ڪردار ھو، جنھن روشنين جا سوين ديپ ٻاريا.